傳主持《姊妹淘》經常博出位 蔡嘉欣淪為犯眾憎?

蔡嘉欣
蔡嘉欣

以KOL身份參選2019年港姐嘅蔡嘉欣(Kayan)被視為賽前大熱,可惜最後大熱倒灶,只獲得「最迷人豐盈美唇大獎」。加入無綫後,蔡嘉欣比同屆港姐更多機會,明顯備受力捧,除咗為節目《眼睛去旅行》及《姊妹淘》做主持之外,佢亦有機會拍劇,例如《飛虎3壯志英雄》及《智能愛(AI)人》等等。

蔡嘉欣
蔡嘉欣

清談節目《姊妹淘》由一班靚女擔任主持,介紹女士扮靚及潮流資訊,一向都有唔少捧場客。有人嘅地方就有是非,更何況係靚女雲集嘅《姊妹淘》呢?!近日有報道指蔡嘉欣加入《姊妹淘》後,佢經常諗計搏出位、霸頭位搶對白、晒名牌及對元老莊思敏阿諛奉承等等,令佢成為犯眾憎。

蔡嘉欣
蔡嘉欣

早前《姊妹淘》其中一集講到美腿準則,當莊思敏問大家嘅美腿標準時,蔡嘉欣即刻搶住答話:「我嘅美腿標準咪喺隔離(莊思敏)」。另外,佢亦主動提議與其他主持人鬥腳長,期間佢仲取笑話唔係個個主持人都可以好似佢咁坐喺高凳都仲可以腳掂地。

一向鍾情名牌手袋嘅蔡嘉欣,有指佢每日用唔同嘅名牌手袋。佢喺個人影片頻道上載一條帶大家參觀佢屋企嘅影片,片中佢屋企唔算大,不過就已經擁有兩個裝滿名牌手袋嘅櫃。早前節目《我要做業主》邀請佢做嘉賓,期間佢話都有一個置業夢,不過未夠首期上車,覺得上車好困難。之後,唔少網民都話可能因為佢好鍾意買名牌,嗰兩個櫃入面嘅名牌手袋就已經夠佢俾首期。

【相關搜尋】蔡嘉欣「感謝疫情」認冇腦

蔡嘉欣影片截圖
蔡嘉欣影片截圖
蔡嘉欣影片截圖
蔡嘉欣影片截圖
蔡嘉欣
蔡嘉欣
蔡嘉欣
蔡嘉欣
蔡嘉欣
蔡嘉欣
蔡嘉欣
蔡嘉欣
蔡嘉欣
蔡嘉欣