介入馬國明「戀情」胡定欣唔想做壞人!

東方日報
·2 分鐘文章
胡定欣新加入劇組,令馬國明與唐詩詠的感情線起暗湧。
胡定欣新加入劇組,令馬國明與唐詩詠的感情線起暗湧。

「舊情人」馬國明與胡定欣在劇集《白色強人II》再合作,飾演「第三者」的定欣指不想做壞人拆散鴛鴦。馬國明則否認向女友湯洛雯求婚,自言「冇時間」。

無綫重頭劇《白色強人II》集合5位視帝視后包括郭晉安、陳豪、馬國明、胡定欣、唐詩詠鬥戲,昨日他們聯同韋家雄、張曦雯等在將軍澳電視城開記招,高層曾勵珍亦現身支持,新劇將視乎疫情再決定是否前往深圳、瑞士拍外景。

馬國明與「前度」胡定欣繼3年前的《宮心計2深宮計》後再合作,二人大方一齊受訪。休息2年再拍劇的胡定欣,講到劇中介入馬國明與唐詩詠的感情,她說:「我都同監製講千祈唔好寫我拆散佢哋,我唔想做壞人,總之我唔會做對唔住fans嘅事,劇情就唔透露太多。」而馬國明被問向女友湯洛雯求婚成功的傳聞,他說:「我知大家心急,但我真係冇時間求婚,有消息一定會親自公布。」

唐詩詠預告「分」訊

新加入的陳豪飾演急症室醫生,講到劇集有5位視帝視后陣容,可會分薄戲份?他笑說:「我係新加入,呢方面唔關我事。」唐詩詠則說:「啲手術戲交晒畀佢,可以分擔吓,我哋多啲時間瞓覺休息。」飾演不羈醫生、吸引不少靚女埋身的陳豪笑說:「我不羈啫,但係no機(會),劇裏面又唔係咁浪子嘅。不過監製請我食,我又點可以唔食呢,都有啲火花。」唐詩詠預告與馬國明於劇中因一個解不開的心結而分開,又指劇情連曾勵珍也感動到喊。至於郭晉安被問戲份會否爭崩頭?他說:「分配得好好,我主要係醫改戲份。」

陳豪飾演不羈醫生,多女埋身。
陳豪飾演不羈醫生,多女埋身。
張曦雯於首輯《白》仰慕郭晉安,今輯都有不少對手戲。
張曦雯於首輯《白》仰慕郭晉安,今輯都有不少對手戲。