【七言想說】上星期,我看到包山王的獅子山精神

七言想說

  《獅子山上》是改編自黎志偉的真人真事勵志電影。 圖:《獅子山上》fb


「命運就算顛沛流離 命運就算曲折離奇 命運就算恐嚇著你 做人沒趣味 別流淚 心酸 更不應舍棄 我願能 一生永遠陪伴你……」人們常說「性格定命運」,筆者卻更相信「心態改變命運」!面對苦難,你可以選擇怨天尤人、自暴自棄,亦可以選擇咬緊牙關、逆境自強,就像「包山王」──黎志偉。

黎志偉於2002及2003年連續兩屆奪得亞洲攀石賽冠軍,最高世界排名第8,全國第3,矢志參加世界錦標賽向夢想進發,前途由一片光明,然而命運與他開玩笑,上天賦予攀登天份竟又奪走其雙腳活動能力。2011年黎志偉在屯門公路駕駛電單車時不幸遇上車禍,導致下半身癱瘓,一夜間,從峰頂掉進深谷……經過無數痛苦、懊悔、自責、沮喪,「包山王」終憑比往昔更堅毅的意志跨越難關,並選擇2016年12月9日、車禍5周年的日子,在40位朋友及學生協助下,用自己一雙手攀上獅子山山頂。

十大傑青頒獎禮場景。圖:《獅子山上》fb


《獅子山上》,就是改編自黎志偉的真人真事勵志影片,筆者上月初曾在此專欄提及過。電影11月14日正式上映,可是一直忙得不可交,未能抽空捧場,直至上星期五,在一次機遇下終於走進戲院看這熱血故事。其實《獅子山上》放映已踏入第5周,全港僅餘K11 Art House的有限場次,當晚則是一個「包場」活動,雖未有Full House但總算熱鬧。

黎志偉現身電影院分享經歷,為觀眾帶來驚喜。圖:七言


電影由主角林德信(飾演黎志偉)唱著「命運就算顛沛流離 命運就算曲折離奇……」、駕駛鐵馬在公路上飛馳的場景揭開序幕。短短96分鐘,演譯出一個有血有肉的香港運動員故事,《獅子山上》沒有刻意催淚,反而加入不少笑位和黑色幽默,配合勁Mean的對白,讓觀眾深深感受那勵志背後受盡奚落的辛酸。片中令筆者最印象深刻有兩幕:

1)飾演年輕版黎志偉的前香港泳手朱鑑然,胸懷大志走去申請政府資助參加世界賽,3個面試官全程玩手機「當佢嘍囉」,「藐晒嘴」話:「世界第8?即係唔係前三啦!」、「攀石?唔係奧運、亞運項目喎!」(跟紅頂白、寫實到爆!)

2)十大傑青頒獎禮,吳浣儀飾演的高官,外表欣賞林德信角色「紀大偉」,要求合照,但助手要他太太「企埋一邊」,說到底只是一場公關Show!


黎志偉在活動後與觀眾合照。圖:七言


(「寸」盡官僚、大快人心!)

好戲,當然在後頭。電影完結後,「真主角」黎志偉突然現身,Surprise!他答謝大家支持之餘還與在場觀眾進行了簡短的答問環節,以下是部份節錄內容,筆者選擇用direct quote(直接引述),希望大家更確實地「聆聽」他的一字一句、更深切感受他的樂觀與正能量。


●觀眾A:「意外當日,你喊過幾多次?」

黎:「𠴱日喺醫院,老婆、家人都喊得好厲害,但我唔敢喊,老婆粗身大細,好驚再嚇親佢哋,但當晚得返一個人嘅時候,終於忍唔住!我十幾年冇喊,𠴱次係第一次喊,跟住再到爬完獅子山後,第二次喊。其實意外發生後,我好少喊,但有啲唔開心,不過,當有唔開心嘅嘢出嚟,我會推走佢,跟住諗下,我仲有一雙手,咁咪諗啲辦法用雙手做到佢囉,用轉移視線方法去幫助自己。」


●觀眾B:「你依家點生活?」

黎:「我咪同你一樣囉!大家都喺香港社會底下生活,其實我依家好好,雖然今日我用電動輪椅,但我有部手動輪椅,自己又可以揸車,(架車)經過特別改裝。黎志偉經歷過好風光,經歷過一無所有,亦重新爬返入嚟呢個社會,我繼續生存,同你哋一樣,我都有家庭、都要工作、養妻活兒,只係多咗啲角色,我係生命鬥士,又係攀石教練、十大傑青,又係監製,亦係一個病人,我一直都努力去生活,唔好當我有乜嘢特別,我只不過多咗一部車出街,(部車)唔使入咪錶嘅!」(話畢,全場鼓掌!)


●觀眾C:「你依家有咩工作?」

黎:「我本身係攀石教練,但早一、兩年我停咗手頭上工作,搞咗部電影,我自己慢慢寫劇本,再搵人寫、搵投資者、導演、演員……拍完呢部戲後,我就返去做教練工作,亦有去學校、社福機構或商業公司做分享,仲有做攀石場維修工作。」

●觀眾D:「呢部電影嘅劇情內容都係由你策劃?」

黎:「七、八成啦,我好相信編劇、導演,呢套唔係一般港產片,由投資方到整個戲組,上上下下好齊心,大家都好想將『獅子山精神』、獅子山上發生嘅故事留俾下一代,同埋延續出去。」


●觀眾E:「你下一個目標係咩?」

黎:「原本我好想喺銅鑼灣爬上一幢大廈,好似爬上獅子山一樣,想再一次展示乜嘢係『獅子山精神』,我唔講宗教、政治,大家都識講獅子山精神,但有幾多個講到做到呢?『獅子山精神』係咩呀?係我哋要團結、要互助、要堅持、要敢想敢做。點解香港呢段時間會變成咁?我好想做一個活動,再話俾大家知,乜嘢係『獅子山精神』,『香港人精神』就係要向上爬!不過都因為社會動盪關係,取消咗個Event,亦有可能延期。我搵緊下一個目標,希望再做一次同類活動,遠線啲嘅,我會去美國爬一啲比獅子山高10倍嘅山。喺有生之年,我一定會完成呢兩件事。」

人生不如意事十常八九,遇到挫折,面對危難,愈艱辛就愈須要擺正心態,既然不可改變事實,何必再折磨自己。少抱怨、多感恩,不妨活得「阿Q」一點。

心態正確,才有力量迎難而上。共勉之


文:黃穎釧

你可能還想看