【李怡逝世】後輩透露上月患新冠 憶故友倪匡時慨嘆:我就嚟死喇,係人生注定

香港著名作家李怡於台灣逝世,終年86歲。與李怡相識廿載的新聞工作者「心語」接受《Yahoo新聞》訪問時憶述,李怡從香港移居台灣後日漸消瘦,上月更患上新冠肺炎。李怡的好友倪匡3個月前過身,當時他有感而發,對心語說:「我就嚟死喇,我比倪匡細一歲,佢都走咗,呢啲嘢係人生注定」。說起李怡生前支持香港年輕人,心語不禁潸然淚下,「佢話受到好多年輕人嘅啟發,但反而要後生一代承擔責任,佢覺得好心痛」。

文字記者:盧珮瑤

台灣出生、香港新聞工作者心語與李怡相識廿載,圖為三個月前二人共晉午餐時留影,可見李怡體形消瘦。 (心語提供照片)
台灣出生、香港新聞工作者心語與李怡相識廿載,圖為三個月前二人共晉午餐時留影,可見李怡體形消瘦。 (心語提供照片)

三個月前會面消瘦但精神 上月確診新冠肺炎

台灣出生、香港新聞工作者心語與李怡相識廿載。李怡2021年移居台灣,心語亦不時探望這位人生導師。她3個月前陪李怡飲茶時說:「你手臂好幼,成個人好輕,我好擔心」。李怡聽罷淡然回答:「我就嚟死喇,我比倪匡細一歲,佢都走咗,呢啲嘢係人生注定」。心語沒想到那是二人最後見面,「嗰次見佢都仲好精神,雖然唔係話食到好多嘢,但都食到」。

李怡上月19日於facebook發文:「作者有病,無大礙,不勞各位朋友牽掛」。心語隨即發短訊問候,才得悉他確診新冠肺炎,「因為佢心臟有事無打針,之前已經入過加護病房做心臟手術,我覺得肺炎令佢身體再差咗,佢話會有氣喘嗰啲」。

對香港年輕人感到內疚 抱憾終生

心語與李怡在訪問結緣。2002年香港社會爆發23條立法爭議,當時剛入行的心語邀請李怡受訪,意外得到一段珍貴的師徒之情,「佢對我好好,好似一個爸爸咁,因為啱啱入行對香港制度唔熟悉,佢每個星期都會帶我tea time,教我香港嘅嘢、民主制度,對我影響好大」。

李怡對後輩的指引,超越政治上的知識,其人生態度也令心語畢生受用。兩人一次茶敘期間,有餐廳侍應前來斟茶,李怡卻能由生活點滴帶出大道理:「每個人手上都會有啲權力,視乎嗰個人點樣運用,例如斟茶嗰個人佢都有權力,就係睇下斟幾多畀你,所以權力嘅運用就要好小心」。

心語續說,李怡在香港大小議題上,總是站在年輕人那邊,她記得李怡說過:「言論自由唔可以透過血脈傳畀下一代」,對於自己未能為年輕人保留、甚至創造一個更好的香港,李怡抱憾終生,「佢話受到好多年輕人嘅啟發,但反而要後生一代承擔責任,佢覺得好心痛,所以先會寫『失敗者回憶錄』」。