【鏟草男女】賓斯馬:超越C朗係冇可能

【Now Sports】恭喜賓斯馬拎到UEFA 年度最佳球員,雖然好多人一早話今季佢會得獎,但我心情同面對星期四颱風「馬鞍」一樣,唔想有覺得會一定贏/打成個上晝嘅心態。特別係金球獎,今年會唔會又有懸念呢? 好彩UEFA無差錯!因為佢真係實至名歸,仲以高分勝出!
撰文:June雖然回顧前幾季,外界一直話賓斯馬係施丹契仔,全世界當時都唔明點解施丹咁堅持用賓斯馬(Karim Benzema)踢正選,佢仲出口術話法國要用賓斯馬,因為呢個球員係法國最佳前鋒。施丹呢份堅持同賓斯馬自己嘅努力,真係令賓斯馬入返法國國家隊,仲踢得唔錯。

但賓斯馬今次得獎時,特別提起嘅人反而係皇馬現任教練安察洛堤,話佢係世界上最好嘅教練,希望佢一直執教皇馬,施丹聞言唔知會唔會傷心呢?雖然,安察洛堤真心係一個好教練,皇馬高中低層都照顧到,非常佩服佢。

另外,佢亦提起前隊友基斯坦奴朗拿度,佢再重申C朗幫咗佢好多,但其實佢冇因為C朗走咗改變踢法,佢指出同C朗一齊時,佢喺球隊係有另外嘅工作;而C朗嘅離開,令佢知道自己要擔大旗入多啲波。「但我依然都係踢緊足球,所唔同嘅係,我入多咗波,數字顯示我距離其他皇馬傳奇球員唔遠(其實已經超越魯爾同迪史提芬奴),令我有信心繼續,但問心我覺得要超越C朗拿度嘅數據係冇可能。」C朗喺皇馬嘅入球總數為450球,賓斯馬現時入球總數為325球。

除咗要孭起成隊皇馬,同繼續踢佢熱愛嘅足球外。賓斯馬話佢仲有少少願望,就係想贏世界盃同拎金球獎!金球獎應該係你掛……?但世界盃呢……法國係上屆冠軍,傳統嚟講應該有分組賽出局魔咒纏身……

借位推廣一下,皇家馬德里香港官方球迷會 2022-23年度會員招募已經開始,有興趣加入同我哋傾偈睇波踢波嘅皇迷,可以參考呢個網址:https://realmadridhkfc.org/members/apply/
9月15號就截止,期待大家一齊參與活動,支持皇馬!

相關文章:
【鏟草男女】賓斯馬由貓變獅子!
https://sports.now.com/home/news/details?id=29974314945

【鏟草男女】賓斯馬係俾C朗耽誤嘅射手?
https://sports.now.com/home/news/details?id=35952102635

撰文:June
旅皇迷一名。喜歡旅行,喜歡足球;享受在場邊搖旗吶喊,經歷足球的喜怒哀樂。

歡迎瀏覽球十三fb專頁若得到波友一個like就是我們團隊的一大鼓舞:
www.facebook.com/ballthirteen

【西甲】愛斯賓奴VS皇家馬德里
Now TV 632台29/08 04:00直播
Now TV 611台4K直播
Now E 同步直播