傅穎肉搏栢天男:拮到我好痛!

栢天男讚傅穎專業,拍親熱戲冇扭擰。
栢天男讚傅穎專業,拍親熱戲冇扭擰。

傅穎在ViuTV劇集《熟女強人》中,介入吳千語與栢天男的感情,變成三角關係。久未在港拍劇的傅穎有一場主動咀栢天男的戲份,令她甚有壓力。拍攝前,二人不停試戲,拍了兩次才完成。事後傅穎笑指被栢天男整痛:「佢啲鬚根真係拮到我好痛,但大家都好專業,所以埋位後就唔諗呢啲,只會諗住點樣投入角色。」

她笑言原本拍攝前想刷牙,但道具組沒有牙膏,惟有放棄:「喺台灣都試過拍呢類戲,點知我之前食完香蒜涼麵,搞到對手好難受。而對手有傷風,我拍完場戲病咗一排。」而栢天男表示:「食香口膠呢啲就必須,我冇咩呢方面經驗,要導演教路。」

傅穎笑言被栢天男的鬚根拮痛。
傅穎笑言被栢天男的鬚根拮痛。